أحلى منتدى حمصي
 
الرئيسيةالبوابةاليوميةمكتبة الصورس .و .جبحـثالأعضاءالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» شروط اللعبة
الجمعة يناير 30, 2009 1:58 pm من طرف akram

» لفظ الجلالة (اللهُ)
الجمعة يناير 30, 2009 1:51 pm من طرف akram

» مخطط لمدينة حمص القديمة وسورها
الجمعة يناير 30, 2009 1:28 pm من طرف akram

» الاب كان مسافر ولما رجع
الأربعاء ديسمبر 03, 2008 7:56 am من طرف hanodi

» نكت حلوة
الأربعاء ديسمبر 03, 2008 7:40 am من طرف hanodi

» معكرونة بالدجاج والكريمة
الثلاثاء ديسمبر 02, 2008 12:43 am من طرف hanodi

» مدرب الكرامة : خرجنا بسبب الخسارة في حمص
الإثنين ديسمبر 01, 2008 5:21 am من طرف ROULA

» طرائف زوجية
الإثنين ديسمبر 01, 2008 1:50 am من طرف hanodi

» معايدة محشش
الأحد نوفمبر 30, 2008 3:21 am من طرف hanodi

» من الاعجاز القرآني تحريم الدماء
الأحد نوفمبر 30, 2008 3:01 am من طرف hanodi

ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
pubarab
يوليو 2018
الإثنينالثلاثاءالأربعاءالخميسالجمعةالسبتالأحد
      1
2345678
9101112131415
16171819202122
23242526272829
3031     
اليوميةاليومية

شاطر | 
 

 مذكرات حمصي ...

اذهب الى الأسفل 
كاتب الموضوعرسالة
MALAZ



عدد الرسائل : 2
تاريخ التسجيل : 07/10/2008

مُساهمةموضوع: مذكرات حمصي ...   الثلاثاء أكتوبر 07, 2008 9:09 am

[center]مذكرات حمصي صفنان cyclops

اجيت على حومص بعد تلات سنين...وبألبي كالعادي شي بيتسمى شوء وحنين

كنت بالأول اجي يومين تلاتي.....ارجع الخميس وكون بالكتير جاي التلاتي

بس هالمرة ضليت أكتر....... ما مشان شي..... بس لأنو موعد فيزتي اتأخر

اول يوم شي ستي الصوبح…………..

حسيت بريحة.... عم تضرب مونخاري

ما عرفتها ريحة شي بطن......ماعرفتها شي حفرة مجاري

ضلت هالريحة ساعتين........وبعدها.... نسيتها لحالي

فائوا الناس بلا طول سيرة........ وما حدا دريان شو صار.... بهديك الليلة

عرفت بعدها انو الحماصنة.... عم يناموا ليلهم............والروايح عم تهديلهم

ومتل ما تعودوا على طأ حنك عالناس...... تعودوا على روايح الحمض والأساس

تاني يوم نزلت اتمشى بالسيارة ...

لا تستغربوا.... لأنو المشي على الرجلين.... ما عادت من معالم الحضارة

عدد السيارات كترت... ومشان هيك البلد.... اتألبت واتحفرت

صار شارع الغوطة أصغر...... وذكرياتنا على حروفو.. أخدوها على أبعد مكسر

سألت.... ليش شالوا الأكاسيا والشجر...؟ وحطوا بدالهم كومات الحجر؟

الولي في ناس أفهم منك.... بتعرف مصلحتك.... وبتأدر همك

والولي الشجر صايرعم يئزينا..... بدنا نلحئوا بكل حومص... لنشيلوا بالماكينا

ومشيت بشارع تاني.... ذكرياتوا أقل.... بس حجاروا ابدا ما بتنساني

هادا الشارع اسمو العراب...... محل ماكانت تعلأ الكعاب

الولي انهم ظبطوه .....صار متل الشانزلزيه.....عرضوه و نوروه

التلهم والله حيرتوني....... وبهالتصميم صطلتوني

انتو بدكم شوارع عريضة........ ولا ألع الشجر بحومص صاير فريضة

حموصة صارت مجنوني وبالهوايش.... مفتوني

حملت حالي ونزلت عالدبلان

يمكن مافي شي اتغير....... ويمكن انا نسيان

بس المهم ادريت.... انو الأسعار... ما بالحسبان

وأصحاب المحلات .... فلان وابن فلان وابو فلان

التلهم ياناس فهموني..... واذا حكيت طنشوني

كيف اجرة محل مية الف.......... والناس عم تضرب كف على كف

هلأ التجار عم يشتغلوابالتياب...؟ ولا انا ماني عم اخود بلأسباب

الولي البلد اتغيرت..... ومن احسن لأحسن اتطورت

والولي كمان............ انو لازم كون... حربوء وفهمان

الت بألبي بعين الله..... ويمكن انا لسا... ما اولت بسم الله

مشينا هيك على شارع الملعب...... محل ما كنا نروح ونجي.. بدون ما نتعب

الشارع يا اخوان صاير شي جنان

أهوة جنب أهوة جنب أهوة.... وبتسأل لمين بيؤولولك.....

ل فلان وابو فلان وابن فلان

بلا طول سيرة وفزلكة

هالشارع صار معجوء........وبالصبايا والشباب.. مفتوء

أعدت باول وحدة... وبلا ذكر اسامي

وكانت هاي الأعدة.. بأول ايامي

للحأ الأعدة ظريفة... والطاولات حلوة ونضيفة

بس مع انوفاتورة شخصين طلعت خمسمية

طعمة المشروب كانت اتولية

قلت يمكن انا غلطان ولازم ماكون نئز أو أرفان

رحنا على أهوي تاني .. الولي هاي ملياني... واسمهامابعرف... فرنسي على طلياني

وبعد ما طلبنا وحضر المشروب

جابلونا شي غير المكتوب

كمان الت بالبي... ياولد انتي الغلطان... ويمكن مانك فهمان

روح جرب الجهة التاني... هادا صاحبو... غير فلان وابو فلان وابن فلان

وفتنا على هالمكان.......

حسيت حالي بمكان غير المكان...... وزمان غير الزمان

كأني ابن السبعين وجاي....... على محلات ولاد العشرين

مالح احكي شي.... بس طلعت منو صفنان.... وبحالة حومص مدهوش كمان

وأفت براس الشارع من بعيد..... وحاطط راسي بهالأيد

وعم اؤول بألبي

كيف هالجامع يلي عم يأدن هالأدان... عم يطلع منوهيك ناس.. بدون حس او وجدان

يا ابي رباني غلط.... أو انا صايبني اللغط

وتذكرت ايام زمان

لا كنا نروح على جامع.... ولا نحضر دروس فلان وفلانة.... ولاعلان ولاعلانة

كنا نطلع من المدرسة.... ونركض على شارع الغوطة.... ندعوس على طرابو دعوسة

نستنى البنات ليطلعوا من غرناطة...... وكل واحد فينا..... عم يمشط شعروا بالمشاطة

نتفرج عليهم وهني ماشين....... وبألبنا عم نقول........ يا ليل يا عين

يطلعوا البنات مشنكلين..... وبمشيتهم متفشكلين

ماكنا نشوف بنت بحجاب..... بس كانوا بأخلائهم...... ينكتب كتاب

وكنا نتابعهم بعيوننا المتحسسة.... بدون وقاحة او فسفسة

بس هلأ صارغير..... والحجاب صار شي خطير

والشباب اتجعلكت.... وبالبنات اتشبهت

وصرت تشوف بنفس المكان...... الشيوخ مع الزعران

البنت بتشوفها مصروعة.... بشارع الملعب مزروعة

عم تتفتل يمين وشمال...... وحالها مو هاد الحال

من عمرها طنعش بتتغندر.. جنز وبودي.. وبالحجاب بتتستر

والشب بيلحأها كمان... وبيسمعها كلام.... والله ما بيحملو انسان

حموصة صارت مألوبي وعلى شيكاغو..... محسوبي

لح غير حديثي هلأ... مشان ما تؤولوا بالغيبة والنميمة متعلأ

من تسع سنين طورونا...... وشركتين خليوي حطولنا

الظاهر ضربتنا عين

رحتلكم وبلا ذكر اسامي على الشركة الصفرة.... شي مرتب... من جوا لبرة

والله استأبلونا بالترحاب من أول ما دخلنا الباب

أطعنا الكرت وأعدنا..... وعن الشريحة استفسرنا

ألولي خطك وحدات.... وبأيام مأيدات.... وعدولي احلى ميزات

الولي في ميزة كلمني... وحول وحدات واشحنني

الت بألبي يا ويلاااااه ويا ويلااااااه ويا ويلاااااااه

سحبنا الرقم واخترناه..... وعلى العقد وثقناه

وبالأخر فتحولي سطامبة.... والولي اصباعك لنحطا

حطيت الباهم وبصمت..... وضبيت لساني وسكتت

التلهم يا اصحاب الخبرة..... بالشركة الحمرة.... بصموني المرة الماضي..و بالعشرة

والت لحالي ليه وليه... ما جبت معي الدي ان ايه

نسيت الكم يا اخوان... انو الرومينغ بالمجان.... وفي ميزة حلوة كمان

لو امك سوتلك مس كول..... وحداتك بتروح على طول

التلهم الله اكبر.....على هالنعمة مالح اتجبر

والتلهم شوفي كمان..... خبروني والله انا انسان

الولي خطك شغال.... وانشالله بيعجبك الحال

وحداتي طارت على طول.... بنفس اليوم مو معؤول

والنهفة انو الكستمر كير....بخمس وحدات.... ومو كتيير

والت بنفسي........

جربت الأحمر والأصفر

الظاهر انو شي مرتب ومدبر

لح ارجع على النميمة.... واغتاب اصحاب الأيمة

رحت مرة على السفير.... خمس نجوم... مو كتيير

طلبنا بوظة وكابوتشينو واركيلة

وهالأوتيل الخمس نجوم.... جبلنا طلبنا بنفس اليوم

جاب البوظة بزبدية...... طرافها والله مهرية

بس والله للأمانة.... طرافها بالبوظة الدايبة.... غرأنة

التلهم بالله منديل......... وامسحوا الطاولة على الأليل

الولي تكرم عينك....... منيح على السفير مفوتينك

مشينا والله وماشي الحال........ كأننا عال العال

ومرأنا من السبورت كافيه...... وعيوني طايرة عليه

فاضي عم يبوبي........... والناس فوئوا...عم تفصفص لوبي

اتذكرت يوم كان بالدور

كانوا الشباب جوا...... والبنات... على البلور

النهفة انو هالعادة موجودة ......بأهاوي الملعب معهودي

بتدخل من تم الباب بيسألوك... شباب ولا بنااااات

اذا شباب الطاولات بتصير محجوزة...... واذا بنات بتصير فاضي ومعزوزي

والله العظيم ما عم اتفزلك.......... بس شي بيخلي المصارين تتلبك

يتبع ....

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ROULA
Admin
avatar

عدد الرسائل : 32
العمر : 37
العمل/الترفيه : مهندسة
المزاج : رايق
تاريخ التسجيل : 05/10/2008

مُساهمةموضوع: شكرا ملاذ   الثلاثاء أكتوبر 07, 2008 9:49 am

شكرا ملاذ كتير حلوين وبيضحكو بس نفسن موجودين بمنتدى القهوة الحمصية affraid affraid
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://homsi.ahlamontada.net
yasmin



عدد الرسائل : 1
العمر : 31
العمل/الترفيه : طالبة صيدلة
المزاج : عال العال
تاريخ التسجيل : 02/11/2008

مُساهمةموضوع: رد: مذكرات حمصي ...   الأحد نوفمبر 02, 2008 4:29 am

smile شكرا ملاذ كتير حلوة وعن جد مظبوطة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مذكرات حمصي ...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
homsi :: أخبار حموصة-
انتقل الى: