كيف تطفشي عريس اهلك بدهم اياه

و الشباب اسمعوا للاخر عشان في شغلات بتهمكم:

بسم الله نبدأ الخطة سوا:
1- لا تظهري لاهلك عدم الرضا ... (عشان تعرفي تكملي الخطة)

- اهم شي بالخطة من يوم ما تسمعي بالعريس لحد ما ييجي اوعي تتحممي

خلي الريحة الحلوة تطلع ...لا تنسي تفرمي بصل كتير واذا في ثومة خيييير
و بركة ..
طبعا (انتي عم بتساعدي ماما ما حد رح يحكي معك)

3- طبعا اليوم اهل العريس بدهم ييجو يشوفو (قمر الزمان) عشان هيك قمر
الزمان لازم تضل نايمة
لقبل الموعد بساعة (عشان وجهها يتريح وما يبين انه تعبان) وهيك
بتكوني ضيعتي على اهلك فرصة
انهم يكشفوكي.

4-اهل العريس (ابو الشباب) اجو... سلمي على امو بكل برود ... واعملي
حالك قرفانة و شايفة حالك
بعدها اسحبي حالك على غرفتك ... (عشان بدك تزبطي حالك ولو ... ) و
يلا نعرف خطوات احلى ميك أب

لهيك مناسبة :
الكحلة : الكحلة جميلة جدا على العيون ... اتكحلي ... بس خلي الكحلة
بعين اكتر من التانية..
وهيك بتضمني تكوني (حولة رسمي)
كريم الاساس: ولوووو اكيد بدنا كريم اساس بس على الشفايف .. هيك
ببين معك فقر دم
الشادو : طبعا الشادو هو اللي بخبي البلاوي (وهو اللي ببين البلاوي
الشادو الاسود على العيون
و ثقلييييييييه (ولوو مش هيك الموديل و الدليل اليسا) مع شادو اصفر
على وجهك بدل (البلاشر)
وهيييييييك ببين معك كوليرا .....
و لازم تلبسي احلى موديل : تنورة خضرا (لون الخير ) و بلوزة حمرا
(لون الحب) و البسي شالة
من سنة الف و تسعمية و ستة وخمسين خشبة و البابوج من العصر الحجري...
تححححححفة

5- روحي عالمطبخ عشان تاخدي القهوة ... بس اوعك امك تنتبه عالخبايص..


6- امشي بكل ثقة الى غرفة الضيوف ...(كل ما تكون ثقتك بنفسك اكتر
بتبيني انك خبيرة
بهالامور)... وهيك .... ببلش الفار يلعب بعب ابو العريس ... وبصير
يسأل حاله:
مدامها خبيرة هيك ليش اللي قبلنا
طفشو؟!!
بس الفار بعب الابو ما بكفي ... لازم يكزدرلو شوي بعب العريس ابو
الشباب) ههههاي
امسكي القهوة ... اتفرجي بعيونه (واحولي عينيكي)... المسكين بكون وقع
في الصدمة(من اول نظرة)
هو طبعا من شدة الصدمة رح ينسى القهوة... ذكريه وقوليله: " اي خلثنا
يا ذلمة طول"
(يا عيني عاللي بقرطو .... بس اوعي ابوكي ينتبه)

طبعا اتركي الرجال يحكو بالمهم ....
ارجعي لام العريس اللي بدها تشوف جمال شعرك
هالمرة ما بدنا نعمل مقلب ... خليه حلو فش مشكلة ... سشوريه و
زبطيه) بسسسسسسسس
اقعدي اهرشي و اهرشي و اهرشي قدامها ... تخيلي انه في حديقة حيوانات
في راسك ...
مسكينة ام هالعريس

اذا نفذتي هالخطوات مية بالمية باكدلك ...رح تسمعي كلمة : " يا الله
... وتسمعي صوت ابوكي
بحكي للجماعة " شرفتونا" ... لانه الضيوف بدهم (يفلسعو ) قبل ما
ينبلو هيك بلوة منيلة .....

اه شو رايكم .... بتزبط ؟؟؟ اكييييييييييييد

اما انت ايها الشاب
فعشان ما يصير فيك هيك مقلب ...
قبل ما تفكر تتجوز او تخطب ... تاكد جيدا انه فيك هذه الصفات
حسب مؤسسة المقاييس و المعايير الدولية للصبايا في زمن الفضائيات)

1- هيبة و جلال : سامي يوسف
2- رومانسية و جاذبية : (حبيب الصبايا) تامر حسني ماجد المهندس
3- طولك طول احمد عز واذا اطول خير و بركة.
4-ثقافة : جورج قرداحي
5- اناقة : نيشان ديرهورتنيان
6-عندك مواهب (طوني ابو جودة)
7- ضحكة وسنان : محمد حماقي ...

8-خفة دم : احمد حلمي ...
وما تنسى تتاكد انه جيبتك ( جيبة الوليد بن طلال) طبعا هو الأهم
وتكون اعمى عن غيرها .. واطرش عن عمايلها... واخرس متسألها ثلث
الثلاثة كم

شكرا رفيق انا هيك رح اعمل خلص والله فكرة كتير حلوة